Analiza/ Si e sheh botën Marco Rubio, i zgjedhuri i Trumpit për sekretar të Shtetit? 13/11 22:43
Gjenerali që rrëzoi presidentin e vjeter të Gabonit, Ali Bongo bën betimin të hënën si lideri përkohshëm, ndërsa mediat vijojnë të publikojnë pronat dhe pasuritë që dinastia 55-vjeçare e Ali Bongo ka akumuluar gjatë dekadave.
Rrjeti francez AFP publikonte imazhe të vilave, ndërtesave dhe apartamenteve që familja presidenciale e Gabonit zotëron në zonat qendrore të Parisit si Arrondissement 7, 8, e 16.
Vendi afrikano-perëndimor është një nga prodhuesit më të mëdhenj të naftës në Afrikë dhe ka rreth 90% të sipërfaqes të mbuluar me pyje, por njerëzit jetojnë në varfëri prej korrupsionit e keqmenaxhimit.
Pas ndryshimit të pushtetit, krerët ushtarakë kanë thënë se do të respektojnë detyrimet brenda dhe jashtë vendit deri në kryerjen e zgjedhjeve të reja.
Grusht shteti është dënuar nga Unioni i Vendeve Afrikane që ka kërkuar përjashtimin e Gabonit “deri në kthimin e rendit kushtetues në vend”.
Grusht shteti erdhi pak pasi komisioni zgjedhor i Gabonit tha se Bongo kishte fituar përsëri zgjedhjet e javës së shkuar me dy të tretat e votës, të cilat opozita i denoncoi si thellësisht të manipuluara.
Edhe zgjedhjet e mëparshme të fituara nga Bongo ishin njollosur nga akuzat e manipulimeve, ndërsa kësaj here ndryshime të dyshimta ishin bërë në fletët e votimit disa javë para ditës së zgjedhjeve.
Pesë vende të tjera në Afrikë — Mali, Guinea, Sudani, Burkina Faso e Niger – kanë rrëzuar liderët e tyre të vjetër me grusht shteti ushtarak dy vitet e fundit.
Top Channel
