Akuzohet për spiunazh ndaj Rusinë dhe Iranin, arrestohet punonjësi i ambasadës amerikane në Oslo 22/11 22:38
Ta’Kiya Young dhe fëmija i saj i palindur u qëlluan për vdekje nga policia gjatë incidentit fatal në Ohio, për të cilin familjarët dhe komuniteti thonë se mund të evitohej.
Policia ka publikuar tashmë pamjet e kamerave trupore të vrajës së gruas me ngjyrë nga oficerët kur ajo refuzonte të dilte nga makina para një supermarketi në Ohio.
21-vjeçarja u qëllua për vdekje në parkingun e qytezës Blendon Township, pranë kryeqytetit të Ohio, Columbus, më 24 gusht. As fëmija i palindur i Young nuk i mbijetoi të shtënave.
Kreu vendor i policisë John Belford e karakterizonte incidentin si një “tragjedi” që ndodhi teksa policia tentonte të ndalonte Young pasi ishte akuzuar për vjedhje nga dyqani.
Familja e Young quante vrasjen “të evitueshme, keqpërdorim i pushtetit dhe autoritetit”, si dhe “akt i urryer”.
Në pamje shihet fillimisht oficeri policisë që afrohet te dritarja e makinës së viktimës Young dhe i kërkon të dalë jashtë.
“Për çfarë?” pyet e reja duke mohuar se ka marrë sende pa i paguar.
Por më pas makina e saj shihet që nis të bëjë përpara ku qëndronte një tjetër oficer i cili qëllon me pistoletë drejt drejtueses dhe më pas hidhet anash për të shmangur goditjen.
GRAPHIC WARNING: Newly released bodycam footage shows Ohio police officer fatally shooting pregnant 21 y/o Ta’Kiya Young after she attempted to run him over
She was suspected of shoplifting alcohol when police confronted her
— DC_Draino (@DC_Draino) September 1, 2023
Policët shihen më pas që ndalojnë makinën dhe thyejnë xhamin për të hyrë brenda ndërsa shoferja është pa ndjenja.
Familja e viktimës tha se ajo priste të lindte bijën e saj në nëntor, ndërsa ishte nënë e dy fëmijëve të tjerë.
Policia nuk ka bërë të ditur identitetin e dy oficerëve të përfshirë.
Ata shtonin se një nga oficerët kishte krahun e tij brenda makinës së Young kur ajo vuri mjetin në lëvizje, dhe se kjo përbën sulm ndaj personit.
Aktivisti i të drejtave civile Ramon Obey, tha se pamjet e incidentit tregonin se “prona ishte konsideruar më me vlerë se jeta e një personi”.
Një miting komunitar kundër dhunës së policisë po mbahet në Columbus kësaj fundjave.
Top Channel
