E PLOTË/ Starton edicioni i pestë i “Big Brother VIP”, 14 banorë bëhen pjesë të shtëpisë më të famshme në Shqipëri 21/12 01:22
Shqipëria do të përfaqësohet në Kampionatin Botëror të Notit në Izrael nga katër notarë të rinj talentuar.
Pak ditë para nisjes së kampionatit botëror që do të mbahet në datat 4-9 shtator në Netanya të Izraelit, sportistët Julia, Kaltra, Greisi dhe Endi zhvilluan një takim me ministren e Arsimit dhe Sportit, Evis Kushi.
Përmes një postimi në rrjete sociale, ministrja ka ndarë disa momente nga takimi me ta.
“I përgëzova ata së bashku me trajnerin e tyre, z. Arian Fetishaj dhe presidentin e Federatës Shqiptare të Notit, z. Agim Çiraku, për arritjet e deritanishme dhe i urova shumë suksese dhe medalje në sfidën e radhës”, shkruan ministrja Kushi.
Kampionati Botëror i Notit për të rinj do të zhvillohet në Netanya të Izraelit në datat 4-9 shtator 2023, ku marrin pjesë mbi 600 notarë nga e gjithë bota.
Top Channel
