Tre të rinj, në bashkëpunim me njëri-tjetrin, furnizonin me kokainë disa rrjete shpërndarësish në kryeqytet.
Personat që shihni në fotot e siguruara nga gazetarja Dorjana Bezat janë autorët Andrea Dema, Genis Mustafa dhe Robert Domi.
Ata u ndaluan sot gjatë një operacioni policor. Në makinën me të cilën po udhëtonin, policia gjeti mbi një kilogram kokainë.
Nga verifikimet e kryera ka rezultuar se këta shtetas, në bashkëpunim me njëri-tjetrin, siguronin kokainë dhe më pas disa rrjete shpërndarësish, në rrugën “Myslym Shyri”, në Rrugën e Durrësit dhe në zonën e 21-Dhjetorit.
Ndaj tyre ka nisur hetimi, ndërsa përveç lëndës narkotike, janë sekuestruar katër aparate celulare, 1400 euro dhe 78 900 lekë.
Top Channel
