Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Komunitetit ndërkombëtar po i bëhet apel për ndihmë në zbulimin e asaj që i ka ndodhur një djali të vogël, në një rast që duket se ka lidhje me trafikun ndërkombëtar të abuzimit e vrasjes së femijëve.
Trupi i djalit që besohet se ishte pesë ose gjashtë vjeç, është gjetur në 19 maj i hedhur në lumin Danub pranë qytezës Grossmehring, në Bavari të Gjermanisë.
Trupi i fëmijës tragjik ishte mbështjellë me letër alumini dhe i lidhur me një bllok betoni para se të hidhej në fund të lumit.
Nuk dihet prej sa kohësh ishin aty mbetet e fëmijës para se të zbuloheshin, ndërsa policia gjermane thotë se ende nuk e ka identifikuar atë.
Hetuesit kanë thënë se fëmija i racës së bardhë ishte rreth 110cm i gjatë, peshonte vetem 15kg, kishte flokë kafe dhe grup gjaku O.
Ata kanë krijuar një rindërtim 3D të asaj që besojnë se ishte fytyra e tij dhe kanë ofruar €10,000 shpërblim për këdo që sjell informacione rreth viktimës së krimit të pashembullt.
Zyrtarët thanë se djali ka kaluar kohë në vende të tjera dhe ka rënë viktimë i trafikantëve ndërkombëtarë prandaj po përfshijnë në hetim Interpol me 195 vende anëtare.
Sekretari i përgjithshëm i Interpol, Jürgen Stock tha: “Dikush me siguri di diçka për këtë djalë dhe kjo e bën të rëndësishme që detajet të shpërndahen publikisht”.
“Nëse ai është viktimë e trafikimit, rrëmbimit, dhunës e përdhunimit, ne jemi të përkushtuar të mobilizojmë burimet e Interpol për identifikimin e tij për të hedhur dritë mbi vdekjen”.
Në fillim të këtij viti Interpol bënte thirrje për ndihmë dhe në identifikimin e trupave të 22 personave të tjerë që janë vrarë dhe nuk janë identifikuar, kryesisht gra e vajza.
Organizata ka shpërndarë imazhet e rikonstruktuara të fytyrave të tyre, teksa zbulimet makabre të viktimave janë bërë në Hollandë, Belgjikë e Gjermani.
Imazhet shoqëroheshin me përshkrime të tatuazheve të viktimave, të bizhuterive të mundshme apo mejteve të tjera të identifikimit.
Zyrtari i policisë holandeze Martin de Wit tha më herët për viktimat e paidentifikuara: “Falenderojmë publikun dhe zyrtarë të ndryshëm për interesimin dhe shpërndarjen e informacionit. Këto gra meritojnë të marrin emrin e tyre dhe çdo informacion mund të bëjë ndryshimin për njoftimin e të afërmve të tyre”.
Top Channel
