Shteti ia kalon privatit! Paga mesatare është 73.641 lekë. Në administratë ka shkuar në 84,900 lekë
15/06 19:55
Banka e Shqipërisë tregon se kostot e punës për njësi janë rritur me ritme të përshpejtuara në tremujorin e parë të vitit 2023.
Sipas analizës rritja e treguesit të kostos së punës për njësi u shpejtua në 3.9%, krahasuar me nivelin prej 2.3% të tremujorit të mëparshëm.
Efekti nga rritja e pagës ka mbetur mbizotërues ndaj rritjes së produktivitetit, prirje kjo e nisur prej tremujorit të dytë të vitit të kaluar.
Ndërkohë, rritja më e dobët e produktivitetit të punës është ndikuar edhe nga ngadalësimi i aktivitetit ekonomik në tremujorin e parë të vitit.
Banka e Shqipërisë vëren se kostot e tjera prodhuese janë rritur me ritme të ngadalësuara krahasuar me tremujorin e mëparshëm.
Çmimet e prodhimit në tërësi u rritën me 9.4%, nga niveli 21.4% në tremujorin e fundit të vitit të kaluar.
Çmimet e prodhimit për tregun vendas u rritën me 9.3%, nga niveli 19.4% një tremujor më parë. Rritja e çmimeve të prodhimit në eksport ra në 9.1%, nga 24.2% në tremujorin e fundit të vitit të kaluar.
Mungesa në tregun e punës ka nxitur rritje të pagës mesatare me ritme të larta, prej disa tremujorësh radhazi./MONITOR
Top Channel
