Global Sumud Flotilla mbërrin në Vlorë, “përballen” me pritjen e qeverisë: Erdhën për të shpëtuar Sazanin, por refuzuan të shkonin në ishull. Rama: Revolucionarët e rrenave i ikin të vërtetës 22/08 17:00
Skema e ngjyrave
Madhësia e shkrimit
Kryetarja e Kuvendit, Lindita Nikolla ka përshëndetur pelegrinët që marshojnë në këto ditë të shenjta në Malin e Tomorrit.
Duke e konsideruar marshimin unikal, Nikolla shprehet se vlerat inspiruese të bektashinjve janë një thirrje shpirtërore për rritjen e përgjegjësive individuale e publike për jetën, mirëqenien dhe lumturinë e njerëzve që na rrethojnë.
“Përshëndes besimtarët bektashinj dhe qytetarët, nga Shqipëria e Diaspora, që pelegrinojnë këto ditë në Malin e Shenjtë të Tomorrit.
Pelegrinazhi, ky marshim madhështor dhe unikal në tempullin fetar të bektashinjve, është një eksplorim shpirtëror, sakrificë, mirënjohje, adhurim dhe përkushtim i besimtarëve ndaj Zotit.
Këto vlera inspiruese të bektashinjve janë një thirrje shpirtërore për rritjen e përgjegjësive individuale e publike për jetën, mirëqenien dhe lumturinë e njerëzve që na rrethojnë.
Shëndet, gëzime e bekime për të gjithë besimtarët bektashinj e qytetarët!”, shkruan Nikolla.
Top Channel
