Atentati i dytë ndaj Trump, zbardhen detajet e reja për autorin, priti 12 orë pranë klubit të golfit të ish-presidentit 16/09 21:55
Stuhi të dhunshme goditën rajonet qendrore e jugore të Gjermanisë mbrëmjen e djeshme.
Metereologët regjistruan gati 26 mijë shkreptima në orë. Landi i Hesenit ishte ndër më të goditurit, shirat e rrëmbyer kanë bërë që bodrume e kate të para shtëpish të përmbyteshin, e po kështu edhe nënkalime ku u desh shpëtoheshin shoferët prej automjeteve që lundronin në ujë.
Aeroporti i Frankfurtit u bllokua disa orë. 70 fluturime të vonuara apo të anuluara, kurse pasagjerët e ardhur nuk mund të largoheshin nga avionët. Për më shumë se dy orë u ndërpre lëvizja e pasagjerëve dhe transporti i valixheve në tokë, thuhet nga aeroporti. 23 fluturime të tjera u desh të ndërronin destinacion.
Mijëra pasagjerë u prekën nga moti i keq sipas mediave vendase. Zjarrfikësit e Frankfurtit regjistruan 500 aksione shpëtimi, mbi 150 prej tyre në landin Renani-Veriore Vestfali.
Në Gjermani pritet të vazhdojë edhe këto ditë moti i keq, me temperatura nga 22 deri në 29 gradë dhe reshje të dendura. Javën e parë të gushtit, teksa shirat e dendur pushtuan Gjermaninë jugore, qyteti i Reutlingen u përball me një breshër të pazakontë. Edhe pse kokrrat e tij ishin mesatarë në madhësi, sasia e rënë ishte befasuese, me 30 centimetra të grumbulluara në më pak se një orë, duke detyruar autoritetet të nxirrnin në rrugë borëpastrueset në mes të verës.
Top Channel
