Një 28-vjeçar ra në pranga, pasi tentoi të vidhte një makinë dhe kundërshtoi policët gjatë ndërhyrjes.
Shërbimet e Komisariatit të Policisë Nr. 6, gjatë patrullimit në terren për garantimin e rendit dhe sigurisë sot rreth orës 11:10, në bulevardin e Kasharit, konstatuan të riun, i cili po tentonte të vidhte një makinë.
Ata kanë ndërhyrë menjëherë duke parandaluar vjedhjen e automjetit dhe kanë arrestuar shtetasin D. S., 28 vjeç, banues në Tiranë, i cili ka kundërshtuar më dhunë dhe goditur policët.
Në vijim të veprimeve, nga verifikimet e kryera ka rezultuar se 28-vjeçari sot ka kanosur nëpërmjet telefonit, një tregtar makinash në Vorë, për t’i marrë atij një automjet. Ky rast, sipas policisë, është publikuar me video, në disa rrjete sociale.
Top Channel
