Rekord historik i Bankës për blerjen e Euro-s, ja sa u morën për të frenuar rënien e monedhës europiane
25/12 17:36
Bankat po tregohen më të kujdesshme duke refuzuar, por kërkesa e individëve dhe bizneseve për kredi vijoi të rritej gjatë tremujorit të dytë.
Banka e Shqipërisë në vrojtimin që i ka bërë aktivitetit kreditues shprehet se shkalla e refuzimit të kredive si për bizneset dhe individët u rrit gjatë tremujorit të dytë. Për bizneset arsyet e refuzimit u ndikuan nga të ardhurat nga ushtrimi i aktivitetit, rritja e perceptimit të rrezikut për gjendjen e tyre financiare si dhe statusin e kredive aktuale.
Për individët ndërkohë refuzimet erdhën për shkak të historikut të kreditit për individët, të tilla si historiku i marrëdhënieve me bankën dhe historiku nga regjistri i kredive. Po ashtu, të ardhurat e disponueshme ishin një tjetër faktor.
Bizneset e mëdha kishin kërkesë më të lartë për kredi, kryesisht për mbulimin e nevojave për likuiditet, ndërsa më e ulët ishte kërkesa te bizneset e vogla dhe të mesme.
Ndërkohë, individët kanë vijuar të rrisin kërkesën e tyre nxitur kryesisht nga kredia për banesë. Por, edhe kredia konsumatore erdhi gjithashtu në rritje.
Edhe pse rritja e normave të interesit dhe inflacionit e ka ngadalësuar disi aktivitetin kreditues, mjedisi ekonomik vijon të mbetet mbështetës.
Top Channel
