Një aksident me pasojë lëndimin e një 70-vjeçareje ka ndodhur mëngjesin e kësaj të enjteje në aksin rrugor Vlorë-Kuç.
Aksidenti ndodhi rreth orës 09:20, në fshatin “Tërbaç”, ku drejtuesi H. R., me automjetin tip “Benz” është përplasur me automjetin tip “Jaguar” që drejtohej nga J.Dh.
Si pasojë e përplasjes është dëmtuar pasagjerja që ndodhej në automjetin tip “Benz” , H. Xh., 70 vjeçe, banuese ne fshatin “Kallarat” , e cila ndodhet në Spitalin Rajonal Vlorë, jashtë rrezikut për jetën.
Grupi hetimor vijon punën për përcaktimin e saktë të shkakut të aksidentit.
Top Channel
