VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Kylian Mbappe ka refuzuar të nisë bisedimet me drejtuesit e Al-Hilal, klub që është gati ta kthejë në futbollistin më të shtrenjtë dhe më të paguar në planet.
Pavarësisht problemeve dhe luftës së hapur me PSG-në, sulmuesi 24-vjeçar nuk ka ndërmend të largohet nga futbolli i vërtetë, duke i thënë “jo” propozimit të klubit saudit.
Që kishte gati një ofertë të pabesueshme prej 700 milionë eurosh në sezon për “yllin” francez. Ndërkohë, Al-Hilal ka bindur një tjetër futbollist të skuadrës së Luis Enriques.
Marco Verrattin, i cili është pjesë e kampionëve të Francës prej vitit 2012. 30-vjeçari nga Pescara, për të cilin sezoni i fundit nuk ishte pozitive, pasi ishte ndër më të kontestuarit e tifozëve bashkë me Messin dhe Neymarin, ka pranuar ofertën e sheikëve.
Për Verrattin u fol për një rikthim të mundshëm në Itali, ndërkohë që emri i tij ishte në listën e dëshirave të Liverpoolit dhe Atletico Madrid.
Por, e ardhmja quhet Al-Hilal, që pritet të paguajë rreth 30 mln euro në arkat e PSG-së për të siguruar shërbimet e titullarit të kombëtares italiane. I cili do të firmosë një kontratë faraonike në klubin saudit.
Top Channel
