Dhuna dhe të shtënat me armë në stadium pas mbylljes së ndeshjes, shkon në dy numri i viktimave 16/09 19:48
Drita nis nga raundi i dytë eliminator i Conference League, aventurën e saj europiane. Skuadra nga Gjilani udhëton për në transfertën e Çekisë, aty ku i pret një prej ekipeve më me traditë si Viktoria Plzen.
Një përballje e vështirësisë maksimale për të besuarit e trajnerit grek, Akis Vavalis.
Së fundmi, janë zbuluar edhe formacionet e dy skuadrave. Drita rreshtohet me katër lojtarë në prapavijë dhe me një mesfushë të ngjeshur pjesë e së cilës është edhe Rron Broja ish-lojtari i Partizanit, madje duke mbajtur shiritin e kapitenit teksa në majën e sulmit është i vetëm Ardit Tahiri që do të ketë edhe mbështetjen Muharrem Jasharit.
Në anën tjetër, çekët e drejtuar nga trajneri Miroslav Koubek e nisin me dy sulmues të deklaruar si Vydra dhe Chory ndërsa do të kërkojnë të marrin një rezultat pozitiv për ta mbyllur kualifikimin që në ndeshjen e parë.
Ndeshjen mes Plzen dhe Dritës, mund ta ndiqni ekskluzivisht në SuperSport 3 duke nisur nga ora 19:00./ Supersport
Top Channel
