Pezullohet projekti i turbinave të erës në ujërat e New York pas fitores së Trump në zgjedhje (fotot)
27/11 21:47
Të paktën 110 persona janë lënduar nga një stuhi breshëri që goditi një rajon të Italisë veriore.
Pamjet tregojnë breshërin në madhësinë e topave të tenisit që bien në qytetet dhe fshatra në Veneto, zona përreth Venecias në veri-lindje të vendit.
Luca Zaia, presidenti i rajonit, tha se 110 persona ishin plagosur nga breshëri dhe xhami i thyer, si dhe nga rënia.
Ai tha: Falënderoj edhe një herë shpëtimtarët dhe teknikët që ndërhynë menjëherë pas ngjarjeve dhe që vazhdojnë në këto orë me punimet e restaurimit dhe regjistrimin e dëmeve.
Erërat që arrinin deri në 140 mph (87 mph) u raportuan gjithashtu në zonën lokale.
Sipas “La Republica” shumë pemë janë shkulur dhe shumë çati prej llamarine janë ‘shqyer’ nga shtëpitë duke fluturuar qindra metra larg.
“Breshri që ra ishte absolutisht i jashtëzakonshëm, kokrrat arrinin diametrin mbi 10 centimetra në disa raste”, tha Luca Zaia.
Kokrat e breshëritë formohen kur pikat e shiut barten lart nga rrjedhat e stuhive në zona jashtëzakonisht të ftohta të atmosferës dhe ngrijnë. Ndërsa bien, ato mund të rriten duke u përplasur me pika uji të lëngët që ngrijnë në sipërfaqen e tyre.
Në stuhitë më të forta të supercelulave, breshëri mund të rritet deri në 10 cm, siç shihet në Itali. Sipas Administratës Kombëtare të Oqeanit dhe Atmosferës, breshëri më i madh se 10 cm pritet të bjerë midis 44 dhe 72 mph.
Një deklaratë në faqen e tyre të internetit thotë: Megjithatë, ka shumë pasiguri në këto vlerësime për shkak të ndryshueshmërisë në formën e breshërit, shkallës së shkrirjes, orientimit në rënie dhe kushteve mjedisore. Është e mundur që breshëri me diametër që i kalon 10 cm, bie me mbi 100 mph.
Top Channel
