Rafineria e naftës më e madhe në Afrikë nis eksportet drejt Evropës (fotot)
01/06 21:48
Presidenti turk Rexhep Tajip Erdogan përsëriti sot mbështetjen e tij ndaj marrëveshjes me dy shtete të barabarta që jetojnë krah për krah njëri-tjetrit në ishullin e Qipros.
Ai nxiti gjithashtu heqjne e kufizimeve politike që janë vendosur padrejtësisht ndaj Republikës Turke të Veriut të Qipros.
Duke cituar arkitektin e ndjerë të planit Annan të vitit 2004 që u pranua nga turqit qipriotë por u refuzua nga greko-qipriotët, Erdogan tha:
“Ftoj komunitetin ndërkombëtar t’i bëjnë thirrje OKB, ish-sekretari i të cilës Kofi Annan ka pranuar se nuk ka asnjë rezolutë për të justifikuar izolimin e turqve në veriun e Qipros, të heqin këto kufizime politike që nuk kanë bazë ligjore”.
Gjatë vizitës së tij për inaugurimin e zgjerimit të aeroportit Ercan në veri të Qipros, Erdogan përsëriti zgjidhjen me dy shtete, duke refuzuar argumentet e dominimit kulturor apo të konflikteve në ishull, shkruan agjencia shtetërore turke Anadolu.
“Ditët kur terminali i ri i aeroportit Ercan do të jetë plot me fluturime ndërkombëtare, nuk janë larg”, tha presidenti turk.
“Terminali i ri është gjashtë herë më i madh se i pari dhe mund të shërbejë 10 milionë pasagjerë. Liria e udhëtimit është e drejtë bazë”, shtoi ai.
Teksa aktualisht fluturimet shkojnë vetëm drejt Turqisë, presidenti vendas Ersin Tatar tha: “Komuniteti ndërkombëtar vazhdon këtë padrejtësi ndaj nesh, edhe pse një aeroport i tillë nuk gjendet as në jug të ishullit”.
“Ky izolim dhe embargo duhet të marrë fund”, shtoi Tatar.
Aeroporti Ercan ka një kapacitet aktual prej 4 milionë pasagjerë dhe mund të dyfishohet me terminalin e ri, duke gjeneruar deri në €30 milionë në vit, thanë autoritetet në ceremoni.
Top Channel
