Bota Të Fundit

Aneksim në mënyrë të fshehtë?! Si është e lidhur Bjellorusia me luftën në Ukrainë

20/07/2023 14:55

Prej disa kohësh, Rusia ka rritur në heshtje ndikimin dhe kontrollin e saj mbi Bjellorusinë.

Të dy vendet i kanë thelluar lidhjet që nga fillimi i konfliktit në Ukrainë dhe tani janë të dyja të përjashtuara nga pjesa më e madhe e Evropës dhe Perëndimit. Është argumentuar se Moska po komploton për ta bërë ish-vendin sovjetik pjesë të Rusisë – dhe analisti ushtarak Sean Bell beson se Vladimir Putin “ngadalë, por me siguri po anekson Bjellorusinë në mënyrë të fshehtë”.

Në foto: Demonstrata antiqeveritare në Minsk, 2020

Por çfarë po ndodh aktualisht?

Për të kuptuar diçka të tillë, duhet të kthehemi pas në 2020-ën. Presidenti i Bjellorusisë, Aleksandër Lukashenko, i cili qëndron në pushtet që nga viti 1994, po përballej me demonstrata të mëdha antiqeveritare.

Ato ishin më të mëdhatë në historinë e vendit, të nxitura nga akuzat se qeveria po shtypte rregullisht opozitën. Lukashenko kishte frikë se do të rrëzohej, por më pas Rusia ndërhyri për të shuar trazirat.

Midis gushtit 2020 dhe shkurtit 2022, Putin premtoi 1.5 miliardë dollarë kredi për Bjellorusinë dhe shtyu pagesat e borxhit, duke siguruar një shpëtim për Lukashenkon. Që atëherë, Putin dhe Lukashenko kanë mbajtur një marrëdhënie të ngushtë që ka përfshirë kryesisht Bjellorusinë, duke e bërë të pranojë ofertën e Rusisë.

Lufta e Rusisë në Ukrainë filloi nga toka bjelloruse dhe të dy vendet kanë kryer së bashku trajnime të gjera ushtarake. Kohët e fundit, Moska vendosi armë taktike bërthamore në Bjellorusi. Dhe kur grupi Wagner filloi një rebelim dhe marshoi drejt Moskës, Lukashenko pranoi publikisht se ishte ai që ndërhyri në emër të Putinit për të ndaluar rebelimin.

Presidenti Bjellorusi ndërmjetësoi një marrëveshje që do të vijonte me transferimin e shefit të Wagner-it, Yevgeny Prigozhin, në Bjellorusi dhe forcat e tij të zhyten në ushtri.