Analiza e VOA-s/ Ish-Presidenti Trump dhe planet e tij me ‘Truth Social’ 19/09 22:48
Kreui Grupit Parlamentar të Partisë Demokratike, Gazment Bardhi ka kërkuar me ngulm që Arben Ahmetaj të ishte në seancë për tu përgjigjur pyetjeve të opozitës.
Në fjalën e tij në seancë, Bardhi pyeti kryetaren e Kuvendit për vendndodhjen e Ahmetajt, informacion të cilin Nikolla tha se nuk e dispononte.
Bardhi: Para se të filloj me raportin, deklaruat se është njoftuar Ahmetaj, a ka informacion mbi arsyet e zotit Ahmetajt në seancë dhe ku ndodhet ai gjatë ditës së sotme. E them për efekt procedure e dje u bëtë zëdhënës i të drejtave të Arben Ahmetajt. Do duhet të verifikoni ku ndodhet zoti Ahmetaj dhe cila është arsyeja e mungesës së tij.
Nikolla: Nuk kam asnjë informacion e kemi njoftuar në të gjitha rrugët zyrtare. Është e drejtë e tij, nuk është detyrim.
Bardhi: Propozoj që kryeministri të vij në seancë dhe të na japë përgjigje. Meraku juaj për procesin e rregullt ligjor, a ishit ju zëdhënësit e Ahmetajt. Nëse është i shtruar në spital, ne e presim shtyjmë seancën. Meqenëse se Z.Ahmetaj u fsheh si Edi Rama, unë do vazhdoj me raportin se interesi i opozitës është dhënia e autorizimit dhe për të identifikuar vrimën ku Edi Rama ka fshehur Ahmetaj.
Sot mbahet seancë e posaçme në Kuvend për heqjen e mandatit të ish zv. kryeministrit, Arben Ahmetaj, pasi Prokuroria e Posaçme Kundër Korrupsionit, SPAK i kërkoi disa ditë më parë dhënien e autorizimit për arrestimin e ish-ministrit Arben Ahmetaj. Edhe pse ishte parashikuar për ditën e hënë PS pranoi kërkesën e opozitës që seanca të zhvillohej sot.
Top Channel
