Bota Të Fundit

Ekzekutohet ish-komandanti i nëndetëseve ruse! Në arrati për të shpëtuar kokën, i riu qëllohet me 4 plumba pas shpine

11/07/2023 16:52

Një ish-komandant i nëndetëseve ruse i listuar si një kriminel lufte nga Ukraina është qëlluar për vdekje teksa ndodhej në arrati mëngjesin e sotëm.

Hetuesit në Rusi thanë se Stanislav Rzhitsky u vra në orët e para të mëngjesit të djeshëm në qytetin jugor të Krasnodarit.

Adresa e 42-vjeçarit dhe detaje të tjera personale ishin shfaqur në bazën e të dhënave ukrainase “Myrotvorets” – pasi ishte vendosur në listën e armiqëve të vendit.

Sot fotografia e tij në bazën e të dhënave është markuar me fjalën “likuiduar”. Këshilltari i Ministrisë së Brendshme të Ukrainës, Anton Gerashchenko, tha në Twitter se mediat ruse po fajësonin Ukrainën për vrasjen.

“Deri më tani policia ruse nuk mund të gjejë një kamerë të vetme vëzhgimi që do të tregonte kryerjen e krimit. Kërkimi vazhdon,” shkroi ai në Twitter.

Mediat ruse raportojnë se Rzhitsky u vra me katër të shtëna në shpinë gjatë kohës që po vraponte në përpjekje për t’u arratisur. Mësohet se në trupin e tij janë gjetur dy plumba 9 mm dhe dy të tjerë në vendngjarje.

Thuhet se një orë inteligjente dhe kufje u sekuestruan në formën e provës materiale pranë trupit të tij. Kanali rus i telegramit Baza tha se vrasësi mund të kishte monitoruar lëvizjet e Rzhitsky në një aplikacion ku ai do të postonte detaje të rrugës së tij të vrapimit.

Rzhitsky ishte nënkryetari i mobilizimit ushtarak në Krasnodar dhe dikur komandonte një nëndetëse të Detit të Zi. I dyshuari për vrasjen raportohet të jetë një burrë i moshës 30-40 vjeç, me trup mesatar, i veshur me të zeza dhe me kapelë blu.