Tragjike me 38 të vdekur dhe 100 të humbur/ Po ktheheshin në shtëpi për Krishtlindje, mbytet trageti në lumin e Kongos 22/12 09:32
Vendndodhja e kreut të Wagnerit, Yevgeny Prigozhin ka qenë burim spekulimesh që nga grusht shteti i tij i ndërprerë në qershor.
Por mediat franceze raportuan sot se njeriu që ngjalli frikën e një lufte civile në Rusi, ka qenë në Moskë e madje sipas Liberation, ai edhe ishte takuar në Kremlin me kreun e shtetit rus, Vladimir Putin.
Lajmin që brenda një kohe të shkurtër u përhap me shpejtësi në internet, e konfirmoi më vonë edhe vetë zëdhënësi i Kremlinit, Dmitry Peskov. Peskov pohoi se Prigozhin dhe Putin u takuan më 29 qershor, pa dhënë detaje se ku ndodhet aktualisht.
Ai sqaroi se takimi zgjati tre orë dhe në të morën pjesë dhjetëra vetë. “Gjatë një takimi tre orësh me 35 persona, dy komandantë të njësisë Wagner i thanë Putinit se do të vazhdonin të luftonin për të”, pohoi Peskov.
Pak ditë më patë, presidenti i Bjellorusisë, Aleaandar Lukashenko doli me deklaratën se Prigozhini ndodhej ne Moskës dhe se çështja e zhvendosjes së mijëra luftëtarëve të tij në Bjellorusi ende nuk është zgjidhur. Prigozhini dhe qindra luftëtarë të tij të armatosur mercenarë udhëhoqën një kryengritje të shkurtë më 24 qershor, kur pushtuan qytetin jugor rus të Rostov-mbi-Don dhe kërcënuan të marshonin drejt kryeqytetit rus.
Kriza u qetësua pasi Prigozhini pranoi një marrëveshje që do t’i lejonte atij të shkonte në mërgim në Bjellorusi dhe t’u jepte mercenarëve të tij zgjedhjen për t’u bashkuar me të atje ose për t’u integruar në ushtrinë ruse.
Top Channel
