Irani kërcënon me internetin, nëse pret kabllot nënujorë në Hormuz, pasoja të rënda edhe në Europë 24/04 22:29
Rajoni Sistan-Baluchistan
Njerëz të armatosur dhe sulmues vetëvrasës raportohet se kanë sulmuar sot një stacion policie në rajonin e qetë të Sistan-Baluchistan në juglindje të Iranit.
Dy oficerë policie dhe katër sulmues u vranë kur njerëz vetëvrasës bastisën stacionin e policisë në zonën e qetë, njoftonte televizioni shtetëror.
Sulmi i raportuar kishte ndodhur në Zahedan sipas mediave, që është kryeqytet i rajonit të varfër të Sistan-Baluchistan. Vendi ka qenë gjithashtu qendër e protestave të vitit të shkuar për vdekjen e Mahsa Amini gjatë paraburgimit në polici.
“Katër individë të paidentifikuar sulmuan dhe hynë në stacionin e policisë numër 16 në Zahedan,” kryeqyteti i Sistan-Baluchistan, sipas transmetuesit shtetëror IRIB, që citonte kreun vendor të sigurisë, Alireza Marhamati.
Sulmuesit kishin përdorur granata për të shpërthyer dyert dhe më pas kishte nisur shkëmbimi i zjarrit kur humbën jetën viktimat, shtonte Marhamati.
Sistan-Baluchistan është një zona që vuan nga thatësira në kufirin e Iranit me Afganistanin e Pakistanin. Provinca është gjithashtu një rrugë e rrahur nga trafiku ilegal i drogave.
Autoritetet fajësonin për sulmin një grup militant të minoritetit vendor Baluch, për të cilin thonë se operon në anën tjetër të kufirit në Pakistan.
Top Channel
