Përdorimi i armëve me rreze të gjatë nga Ukraina, Stoltenberg: Vendet aleate të vendosin vetë, mirëpresim bisedimet 16/09 20:57
Të paktën pesë persona, duke përfshirë dy gra, janë vrarë pasi një raketë ruse goditi një ndërtesë apartamentesh në Lviv, në Ukrainën perëndimore.
34 persona të tjerë u plagosën në atë që kryebashkiaku i Lviv e përshkroi si “një nga sulmet më të mëdha” në infrastrukturën civile të qytetit.
Kreu rajonal i Lviv Maksym Kozytskyi tha se më shumë se 30 shtëpi ishin shkatërruar.
Televizioni shtetëror rus tha se ndërtesa që u godit ishte një akademi mbrojtjeje. Ai i përshkroi raportet ukrainase për goditjen e një ndërtese banimi si “propagandë”.
Më herët, ministria ruse e mbrojtjes lëshoi një deklaratë duke thënë se pikat e vendosjes së përkohshme të trupave ukrainase dhe depot që ruanin automjete të blinduara të prodhimit të huaj u goditën duke përdorur “armë precize me rreze të gjatë veprimi” me bazë deti.
Ai tha se shërbimet e urgjencës janë ende duke punuar për të pastruar mbetjet dhe për të shpëtuar më shumë njerëz që dyshohet se janë bllokuar.
Një dëshmitare e quajtur Olya tha për BBC se ajo u zgjua nga shpërthimi i parë, por nuk pati kohë të largohej nga apartamenti kur dëgjoi një shpërthim të dytë.
“Tavani filloi të bjerë”, tha ajo. “Mamaja ime u godit menjëherë, unë u hodha jashtë dhe u mbulova me rrënoja deri në gjunjë. U përpoqa të arrija nënën time, por nuk munda, arrita te dritarja, fillova të bërtas dhe pas rreth gjysmë ore më arritën shpëtimtarët, më nxorën jashtë dhe më çuan në spital. U ktheva dhe mora vesh që më kishte vdekur nëna, më kishin vdekur fqinjët, në këtë moment duket se kam shpëtuar vetëm nga kati i katërt.
Forcat ajrore të Ukrainës akuzuan Rusinë për lëshimin e raketave nga Deti i Zi.
Duke postuar në Telegram, Forcat e Armatosura të Ukrainës thanë se “shtatë nga 10 raketa lundrimi Kalibr” u rrëzuan, por tha se një raketë “ndryshoi kursin” në perëndim dhe goditi Lviv.
Për muaj të tërë, Rusia ka kryer sulme vdekjeprurëse me raketa dhe me dronë në qytetet e Ukrainës, duke goditur shpesh objektiva civile dhe duke shkaktuar ndërprerje të gjerë të energjisë elektrike. Javën e kaluar, 13 njerëz u vranë – përfshirë fëmijë – kur një restorant dhe qendër tregtare u goditën në Kramatorsk, një qytet lindor afër pjesëve të okupuara nga Rusia të Ukrainës.
Edhe pse Lviv është në Ukrainën perëndimore, relativisht larg vijës së frontit në Ukrainën jugore dhe lindore, ai ka pësuar edhe më parë sulme ruse.
Top Channel
