Bukuritë natyrore janë të pafundme në Shqipëri.
Nëse jeni të apasionuar pas turizmit malor, çiklizmit, ngjitjeve mbi shkëmbinj apo adhurues të kampingut, liqeni i Bovillës, i gjendur 14 km larg Tiranës është destinacioni perfekt. Zona përreth Bovillës ka një bukuri mahnitëse dhe vitet e fundit është kthyer në një atraksion turistik për shumë vizitorë shqiptarë e të huaj të apasionuar pas natyrës .
“Na pëlqen Shqipëria shumë, është si një thesar i pazbuluar”.
“Ishte një zgjedhje rastësore, nuk kisha qenë në këtë anë të botës, e po më pëlqen shumë”
“Është hera ë parë që vijmë, nuk dinim shumë për Shqiperinë dhë duam të mësojmë më shumë për të e vendet këtu”, janë disa nga komentet e turistëve.
Udhërrëfyesit e guidave turistike shprehen se për çdo të huaj që vjen në Shqipëri, Liqeni i Bovillës është një ndër vendet kryesore qe sugjerohet për tu vizituar!
“Liqeni i Bovilles është në listën tonë të guidës për të sjellë turistët sepse është një vend shumë i bukur, është unik në llojin e tij le të themi sepse ka malet përreth dhe ujë të kristaltë. Eshtë një destinacion shumë i bukur për ta parë turistët që vijnë për të vizituar Shqiperinë, dhe ata e shijojnë vërtet natyrën”, shprehet udhërëfyesi i guidës turistike.
Liqeni i Bovillës është ujëmbledhësi më i madh i rrethit të Tiranës. Liqeni rrethohet nga një kurorë malesh, si malet e Brarit dhe ai i Gamtit. Rruga që të con këtu është e gjitha e asfaltuar përveç një segment rural por të kalueshem edhe për makinat e vogla.
Top Channel
