Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Këshilli i Sigurimit të OKB votoi sot për t’i dhënë fund misioni 10-vjeçar paqeruajtës në Mali, ku junta ushtarake në pushtet kishte nxitur largimin e trupave prej aleancës me Rusinë, shkruan rrjeti AFP.
“Me keqardhje njoftojmë vendimin e qeverisë së përkohshme për të braktisur misionin e OKB, Minusma dhe dëmet që mund të sjellë kjo për popullin në Mali,” tha diplomati amerikan Jeffrey DeLaurentis në Këshillin e Sigurimit.
Ai shtoi se SHBA votoi për rezolutën pasi është dakord me kushtet kohore të misionit.
Zhvillimi vjen teksa sipas OKB junta ushtarake në pushet në Mali kërkoi largimin e trupave prej anësisë së saj me Rusinë.
Misioni paqeruajtës i nisur në vitin 2013 për të parandaluar një mësymje xhihadiste, do të nisë menjëherë reduktimin gradual dhe mbylljen.
Zhvillimi vjen një javë pasi ministri i jashtëm i vendit Abdoulaye Diop habiti Këshillin e Sigurimit, duke thënë se misioni ishte ‘një dështim’ dhe kërkoi mbylljen e tij të menjëhershme.
Lidhjet e Mali-t me OKB janë përkeqësuar ndjeshëm prej ardhjes në pushtet të ushtrisë në vend në vitin 2020 teksa vendi ka ndërprerë dhe bashkëpunimin me ish-fuqinë koloniale Francën.
Top Channel
