Në Tiranë janë arrestuar tre persona për vepra të ndryshme penale dhe dy të tjerë për mos respektim të rregullave të qarkullimit.
Një 25-vjeçar është vënë në pranga pasi gjatë kontrollit fizik në rrugën “Pandi Dardha”, iu gjetën dhe sekuestruan sasi të vogla të kokainës.
Gjithashtu një 57-vjeçar dhe një një 25-vjeçar të dy banues në Kamëz, janë arrestuar pasi kanë ushtruar dhunë ndaj familjarëve të tyre.
Një 35-vjeçar, banues në Tiranë është arrestuar, pasi në rrugën “Njazi Meka”, u kap duke drejtuar në gjendje të dehur, mjetin tip “Ford”;
Gjithashtu një 18-vjeçar, banues në Belgjikë është vënë në pranga pasi në bulevardin “Bajram Curri”, u kap duke drejtuar pa leje drejtimi, mjetin tip “Volkswagen”.
Një 34-vjeçar është paraqitur në komisariat i cili ka kallëzuar se në rrugën “Ali Visha”, është kanosur me fjalë nga një shtetas që nuk e njeh. Punohet për sqarimin e rrethanave të ngjarjes.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Top Channel
