Në Barcelonë protestohet kundër rritjes së çmimeve të qirasë 24/11 11:49
Autori i ka kërkuar ndjesë viktimës së abuzimit të tij dhe ka paguar një dëmshpërblim.
Një turist që ishte burgosur për sulm ndaj disa personave teksa ishte në gjendje të dehur dhe i zhveshur gjatë pushimeve në Indonezi, është kthyer mbrapsht në Australi, konfirmuan zyrtarët vendas.
Bodhi Risby-Jones, 23 vjeç, ishte arrestuar në prill në ishullin Simeulue në provincën konservatore muslimane Aceh, me akuzat se teksa ishte i pirë kishte abuzuar me vendasit dhe kishte sulmuar një peshkatar duke e lënë me plagë serioze.
Australiani u lirua më pas me anë të një procesi gjyqësor korrektues duke i shpëtuar dënimit të mundshëm me pesë vjet burg për akuzat e sulmit, thanë zyrtarë të emigracionit në rajon.
Procesi përfshinte kërkesë ndjese dhe pagesë kompensimi ndaj familjes së peshkatarit.
Muajin e kaluar rrjeti ABC News raportonte se dëmshpërblimi ishte 250 milion rupi ($15,000), plus pagesat e kujdesit shëndetësor. Viktima kishte kryer operacion në hundë dhe pësoi një infeksion serioz në këmbë.
Në pamje të publikuara Risby-Jones shihet të largohen nga burgu duke u përshëndetur me rojet, para se të shoqërohej në një autobus nga oficerët.
“Tani ndjehem mirë, jam i lumtur dhe mirënjohës, të gjithë më pritën mirë”, tha Risby-Jones i cili po qëndron në një qendër emigracioni para se të marrë biletat e avionit.
Aktet e dhunës nga të huajt janë të rralla në Aceh, provinca kryesore muslimane që ka fituar autonomi prej vitit 2001 pas disa dekadash rezistencë militante ndaj qeverisë.
Top Channel
