VIDEO/ Turi i bashkëbisedimeve me shqiptarët e Diasporës, Edi Rama ndan pamjet e sallës ku do zhvillohet takimi në Londër 23/11 21:20
Pas 31 vitesh, bashkia e Shkodrës, ka ndryshuar drejtim dhe për herë të parë qytetarët shkodranë i kanë besuar një socialisti.
Benet Beci, ka marrë për sipër përgjegjësinë për t’i sjellë Shkodrës, zhvillimin që sipas socialistëve i ka munguar në gjithë këto vite.
Por çfarë presin qytetaret shkodranë, nga ky drejtim ndryshe ?
Për operatoret turistik, Shkodra ka gjithçka por duhet vetëm fryma e bashkëpunimit nga ana e Bashkisë.
Studiuesi i njohur Romeo Gurakuqi, njëherësh ish deputet i qarkut, teksa thekson se qeveria është në borxh me Shkodrën, thotë se puna duhet të nisë nga sigurimi i rendit dhe sigurisë në qytet në mënyrë që bashkia të punojë e qetë.
“Mbi të gjitha vendosja e rendit publik, kthimi në eficencë i administratës…shmangia e faktorëve jo qeverisës, jo legal në ndërhyrjet në politbërjen e qeverisjes së Shkodrës”, tha Romeo Gurakuqi, studiues, ish deputet.
Për kryetarin e ri, Gurakuqi, këshillon ndërtimin e një ekipi të këshillimit me specialistët më të mirë, të cilët duhet të kënë në fokus dy ndërhyrje emergjente, për zonën muzeale të Gjuhadolit dhe hyrjen e qytetit.
“Ka një nr ndërtesash të cilat janë të shkatërruara, shteti duhet të ndërhyjë, bashkia duhet të ndërhyj“, shtoi ai.
Top Channel
