![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Parlamenti i Estonisë miratoi këtë të martë një ligj që legalizon martesat mes të njëjtit seks. Kjo e bën Estoninë vendin e dytë të Evropës Qendrore që e bën këtë, pas Sllovenisë.
Ligji do të hyjë në fuqi më 1 janar 2024.
“Jam krenare për vendin tim. Ne po ndërtojmë një shoqëri ku të drejtat e të gjithëve respektohen dhe njerëzit mund të duan lirisht,” shkroi kryeministrja estoneze Kaja Kallas në Twitter.
It’s official: #Estonia has legalised marriage equality. We join other Nordic nations with this historic decision.
I’m proud of my country. We’re building a society where everyone’s rights are respected and people can love freely.
The decision will enter into force from 2024. pic.twitter.com/tQJdO70eEo
— Kaja Kallas (@kajakallas) June 20, 2023
Sipas medias ERR në Estoni, 55 deputetë votuan pro martesës së të njëjtës gjini, ndërsa 34 votuan kundër.
Një sondazh i publikuar muajin e kaluar nga firma e sondazheve Turu-uuringute AS për Qendrën Estoneze të të Drejtave të Njeriut, zbuloi se 53% e estonezëve mbështesin barazinë martesore, nga 47% në 2021.
Rrugë e gjatë drejt barazisë
Në vitin 2014, Estonia prezantoi martesat e të njëjtit seks, por që nuk jepej e drejta e birësimi dhe njohja prindërore që vijnë automatikisht me martesën.
Marrëdhëniet mes burrave të të njëjtit seks u kriminalizuan në Estoni nën pushtimin sovjetik dhe nuk u bënë më të ligjshme deri në vitin 1992, një vit pas pavarësisë.
Shumica e vendeve ish-komuniste në Evropë dhe Azinë Qendrore mbeten prapa vendeve perëndimore për sa i përket të drejtave LGBTQ+. Në vitin 2022, Sllovenia u bë vendi i parë postkomunist që lejoi martesat e të njëjtit seks.
Top Channel