Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Një pilot i ka mbijetuar një aksidenti ajror edhe pse avioni i tij u rrëzua me kokë poshtë në detin e brigjeve në jug të Uellsit.
Mëngjesin e sotëm avioni i lehtë kishte dhënë një sinjal emergjence duke bërë që grupe emergjence të afroheshin në zonë.
Vendasit thanë se më herët kishin parë avionin e lyer me të kuqe e të bardhë duke fluturuar pranë Seabank Hotel. Por ata shtonin se kishin dëgjuar motorin e tij që nuk punonte si duhet, dhe më pas e panë të përplasej në det.
Por dëshmitari Terry Sinnett tha se pas përplasjes kishte parë pilotin të ecte, teksa çuditërisht kishte arritur të shpëtonte.
Sinnett shtonte se pilotit më pas i ishte dhënë ndihma nga shërbimet e emergjencës.
Megjithese avioni ishte rrëzuar i përmbysur, piloti konsiderohet me fat pasi kishte shmangur shkëmbinjtë e shumtë të gjirit.
“Avioni që u rrëzua dallohej lehtë nga larg prej ngjyrës së fortë të kuqe, ai kaloi sipër meje dhe shkëmbinjve”, thotë dëshmitari.
“Disa sekonda më vonë dëgjoja motorin e tij që ngecte, derisa zhurma e tij u shua fare dhe avioni vijoi rënien drejt ujit.
“Kur shkova në vend avioni kishte hundën në ujë dhe bishtin e ngritur në ajër”.
Zyrtarët e shpëtimit konfirmonin se piloti kishte shpëtuar pasi kishte rënë në ujë me avionin e tij. “Ne jemi të përgatitur për çdo eventualitet por ishin të lehtësuar që erdhën në vendngjarje dhe panë që piloti mund të shpëtohej thuajse i palënduar”, tha ata.
Top Channel
