Magdeburgu në pikëllim, përkujtohen viktimat e sulmit në tregun e Krishtlindjeve 22/12 13:50
Në një lëvizje të papritur, Recep Tayyip Erdogan emëroi si gurvernatore të Bankës Qendrore të Turqisë Hafize Gaye Erkanin, ish-zyrtare ekzekutive financash në Shtetet e Bashkuara.
Erkan, ish-bashkëdrejtuese e Bankës Republika e Parë dhe drejtoreshë në Goldman Sachs në SHBA, do të jetë gruaja e parë që merr një pozicion të tillë në historinë e Turqisë. Ajo nuk do ta ketë të lehtë këtë detyrë, pasi e merr drejtimin e institucionit të rëndësishëm financiar teksa vendi përballet me njërën prej normave më të larta të inflacionit.
Erdogan, i cili sapo e ka nisur mandatin e tretë si president, prezantoi javën e kaluar kabinetin e ri qeveritar dhe ministër të Financave emëroi një njeri që nuk ka ngurruar t`i dalë dhe kundër, Mehmet Simsek.
Simsek, i cili ka punuar si ministër i Financave dhe si zëvendëskryeministër edhe në qeveritë e kaluara, njihet për qasjen kundër politikave jokonvencionale të Erdoganit për ulje të normave të interesit, me qëllim të luftimit të inflacionit. Deri më tani, këtë detyrë e mbante Sahap Kavcioglu, nën menaxhimin e të cilit norma e interesit arriti të ulej në 8.5 për qind pasi kishte mbërritur në 19% në 2021-shin.
Në maj, për të parën herë në 16 muaj, shkalla e inflacionit në Turqi ra nën nivelin 40 për qind.
Top Channel
