Dita Kombëtare e Drejtësisë, presidenti Begaj mesazh për SPAK e GJKKO: Përmbushni me ndershmëri misionin tuaj! 10/05 10:54
Kryetari i Bashkisë së Tiranës, Erion Veliaj dhe Presidenti i Estonisë, Alar Karis, vizituan Piramidën, e cila po shndërrohet në qendrën më të madhe të teknologjisë në Ballkan.
“Ajo që duam të bëjmë te Piramida është ajo ç’ka Estonia e ka bërë prej vitesh. Është një vend, i cili ka bërë një inovacion të jashtëzakonshëm në të gjitha qytetet e saj dhe sot është ndoshta numri një në Europë për digjitalizimin dhe për punët krijuese të së ardhmes. Ishte një kënaqësi që ta kishim Presidentin në këtë vizitë dhe me shpresë se do bëhemi pak më shumë si Estonia me dijet që do të marrim nga qendra si kjo te Piramida, që do t’ju vlejnë një brezi çunash dhe gocash, të cilët gjithnjë e më shumë do i ngjasojnë çunave dhe gocave të Estonisë”.
Presidenti i Estonisë, Alar Karis, tha se mezi pret që bashkëpunimi me Tiranën zyrtare të rritet edhe më tej, sidomos në fushën digjitale.
“Është kënaqësia jonë të jemi këtu, jo vetëm për të treguar ekspertizën tonë, por duke e parë Tiranën dhe Shqipërinë nga lart, ne si kombe kemi shumë për të ndarë me njeri-tjetrin. Mezi pres një bashkëpunim me Tiranën dhe shpresoj që të kthehem kur të ketë përfunduar e gjitha dhe të kemi mundësi të shohim studentët dhe gjithë njerëzit që do angazhohen këtu”.
Top Channel
