Përfundon seanca në Gjykatën e Lartë lidhur me pretendimet e ish Presidentit Trump për imunitet absolut 25/04 21:57
Robert Hanssen raportohet se ka vdekur së fundmi në burgun ADX në Florence, Colorado, ku kishte kryer 20 vjet nga 15 dënime të përjetshme për zbulime të sekreteve bërthamore te ‘armiku’.
Amerikani që kishte punuar për FBI dhe shitur sekretet te Rusia është gjetur i vdekur në qelinë e tij në moshën 79 vjeçare.
Ish-spiuni besohet se ka vdekur nga shkaqe natyrale, një person i afërt me të për rrjetin vendas Associated Press.
Ai kishte përdorur aksesin e tij te kundër-inteligjenca nga viti 1985, për të dërguar informacione të rëndësishme drejt asokohe Bashkimit Sovjetik, mes të cilave përgatitjet e luftës bërthamore dhe përgjimet me tunele sekrete poshtë ambasadës ruse në Washington DC, raporton rrjeti britanik Mirror.
Mësohet gjithashtu se Hanssen tradhtoi agjentin e dyfishtë Dmitri Polyakov pas zbulimit të tij nga FBI në 2001, e cila e monitoronte prej muajsh.
Ata pikasën Hanssen duke bërë një lëshim informacioni në Virginia si dhe nga raportimet e një oficeri të inteligjencës ruse ku ishte i regjistruar zëri i tij.
Polyakov, i cili ishte spiunuar nga agjenti i CIA, Aldrich Ames në 1994, më vonë u ekzekutua në Rusi.
Hanssen mbahej në burgun ADX Florence prej 17 korrikut 2002, kur iu dha dënimi me burgim të përjetshëm nga gjykata e Virginia.
Në një deklaratë të autoriteteve thuhej: “Hanssen u gjet pa ndjenja në burgun federal ADX në Florence. Stafi u përpoq të shpëtonte jetën e tij por nuk ia dolën. Nuk kishte plagosje të tjera apo rrezik publik”.
Hanssen ishte paguar më së miri për tradhtinë e tij, duke marrë rreth $1.4 milionë në llogaritë ruse.
Teksa operonte me pseudonimin ‘Ramon Garcia’, ai akuzohej për komprometimin e “shumë burimeve njerëzore, teknikave të kundër-inteligjencës, hetimeve dhe dokumenteve të klasifikuara qeveritare te SHBA”.
Ai kishte nisur punën me inteligjencën në 1976 teksa jetonte një jetë të dyfishtë në Virginia me bashkëshorten dhe gjashtë fëmijët e tij.
Shkaqet e vdekjes së agjentit të dyfishtë nuk janë bërë publike.
Top Channel
