Ekskluzive/ Zgjedhjet në Federatën e Atletikës, Manastirliu “zbut gjakrat”! Ministria ul në tavolinë Izmir Smajlan, Luiza Gegën, Gjergj Rulin dhe Taulant Stërmasin 28/11 15:31
Në një ditë me lamtumirë “yjesh”, surpriza vjen nga Spanja: Eden Hazard largohet nga Reali i Madridit.
Marco Asensio ishte i pari, më pas Mariano Diaz dhe pak pas orës 20:00 klubi mbretëror zyrtarizoi “divorcin miqësor” me futbollistin belg.
Nesër, kundër Athletic Bilbaos, do të jetë ndeshja e fundit e ish-futbollistit të Chelsea-t, që u transferua në Madrid në vitin 2019 me stofin e trashëgimtarit të Cristiano Ronaldos.
Një kalvar lëndimesh nuk e lejuan lojtarin nga “La Louviére” të shfaqte atë potencial që mrekulloi në “Stamford Bridge”. Koha e Hazard te Reali ka përfunduar.
Kontrata e tij skadon më 30 qershor 2024, por ndarja është afruar me një vit.
Deklarata e Realit të Madridit
“Reali i Madridit dhe Eden Hazard kanë arritur një marrëveshje sipas së cilës lojtari ndahet nga klubi që nga 30 qershori 2023.
Eden Hazard ka katër sezone si pjesë e klubit tone duke fituar 8 trofe: 1 Champions, 1 Botëror për Klube, 1 Superkupë Evropiane, 2 Liga, 1 Copa del Rey dhe 2 Superkupa të Spanjës.
Reali i Madridit dëshiron të shprehë dashurinë për Eden Hazardin dhe i uron atij dhe gjithë familjes së tij fat në këtë fazë të re”.
Top Channel
