Lufta në Ukrainë, forcat ruse kapin një tjetër vendbanim në rajonin e Donetsk 27/11 11:14
OKB-ja ka propozuar që Kievi, Moska dhe Ankaraja të fillojnë punën përgatitore për tranzitin e amoniakut rus përmes Ukrainës, ndërsa përpiqet të shpëtojë marrëveshjen që lejon eksporte të sigurta të grurit në Detin e Zi, sipas një burimi pranë bisedimeve.
OKB-ja dëshiron që të zhvillohen bisedime paralele për zgjerimin e marrëveshjes së Detit të Zi që u ra dakord korrikun e kaluar për të përfshirë më shumë porte ukrainase dhe ngarkesa të tjera ndërsa fillon puna përgatitore, tha burimi për Reuters në kushte anonimiteti.
Nuk pati asnjë koment të menjëhershëm nga Ukraina për raportet ruse, në një javë kur të dy vendet akuzuan njëri-tjetrin për përhapjen e terrorit në kryeqytetet e tyre me sulme ajrore.
Korrikun e kaluar, Rusia dhe Ukraina nënshkruan një marrëveshje historike që lejon eksportet e grurit të rifillojnë nga portet e Detit të Zi pasi ato u bllokuan nga forcat e Vladimir Putinit. Marrëveshja, e cila u nënshkrua gjithashtu nga OKB-ja dhe Turqia, ngjalli shpresat se një krizë ndërkombëtare ushqimore e përkeqësuar nga pushtimi rus mund të lehtësohej.
Top Channel
