Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Një familje në Misuri po kërkon përgjigje pasi një mjek i urgjencës dhe babai i shtatë fëmijëve u zhduk në mënyrë misterioze javën e kaluar.
Dr John Forsyth, 49-vjeç u raportua i zhdukur pasi nuk u paraqit në turnin e tij të mbrëmjes të dielën, 21 maj.
Ai ka punuar në dhomën e urgjencës në spitalin Mercy në Cassville për 15 vitet e fundit. Forsyth u pa për herë të fundit rreth orës 7:00 të mëngjesit të së dielës, teksa mbaroi turnin e një nate më parë.
Familja dhe kolegët e tij u alarmuan kur ai nuk u paraqit në turnin e tij të ardhshëm.
“Kjo është shumë e pazakontë për të. Ai është një njeri i përpiktë që nuk ka humbur asnjë ditë pune në jetën e tij”, tha vëllai i tij Richard Forsyth për mediat e huaja.
Makina e tij u gjet në një parking në Qendrën Ujore Cassville, vetëm rreth një milje nga vendi i tij i punës. Dyert e makinës së tij ishin hapura, çelësat, portofoli dhe telefoni ishin brenda tha familja e tij.
Vëllai i Forsyth tha se hetuesit i gjetën mesazhe të fejuarës së tij në telefon, pak pasi turni i tij mbaroi në orën 7:00 të mëngjesit.
E fejuara tij, emri i të cilit nuk bëhet i ditur, nuk ka bërë asnjë deklaratë publike për zhdukjen misterioze. Familja e Forsyth që atëherë ka krijuar një faqe në Facebook për të kërkuar ndihmë në gjetjen e tij.
‘Vëllai im është zhdukur. Nëse dikush di ndonjë gjë, ju lutemi të na kontaktoni. Jam shumë i shqetësuar, jam një rrëmujë. Kjo është gjithçka që mund të them tani”, shkroi motra e tij Tiffany në një postim në Facebook.
Top Channel
