Policia Orikum ka ndihmuar dy turistë anglezë pasi kishin humbur rrugën në një terren të vështirë malor në fshatin Dukat.
Gjatë eksplorimit të zonës, turistët kishin mbetur të izoluar dhe e kishin të pamundur të ktheheshin.
Si rezultat i kërkimeve për disa orë, është bërë e mundur lokalizimi dhe gjetja e tyre, në vendin e quajtur “Maja e Qorres”, në fshatin Dukat.
Policia bën të ditur se turistët po shoqërohen për në ambientet e hotelit ku ishin akomoduar dhe janë në gjendje të mirë shëndetësore. Ata kanë falenderuar shërbimet e policisë për mbështetjen dhe ndihmën e tyre.
DVP Vlorë është e angazhuar maksimalisht për të krijuar një ambient sa më të sigurt dhe për t’ju ofruar qytetarëve, vizitorëve dhe turistëve një shërbim sa më cilësor, thotë njoftimi i policisë.
Top Channel
