Shefja e UNMIK-ut dënon sulmet ndaj KFOR-it
29/05/2023 22:54
Numërohen 88% e votave në Maqedoni, kandidatja e VMRO udhëheq me diferencë të thellë. Osmani shkon në 32 mijë vota para Taravarit 24/04 23:18
Përfaqësuesja Speciale e Sekretarit të Përgjithshëm (PSSP) të OKB-së dhe shefja e UNMIK-ut, Caroline Ziadeh është e alarmuar nga dhuna në veri të Kosovës.
Ajo ka dënuar ashpër veprimet që rezultuan me lëndime të rënda të personelit të KFOR-it, por edhe të civilëve, sot në komunën e Zveçanit.
“Dhuna në çfarëdo forme, përfshirë edhe kundër KFOR-it, të cilët janë të dislokuar për të ofruar një mjedis të sigurt në përputhje me Rezolutën 1244 (1999) të Kombeve të Bashkuara, është e papranueshme”, tha ajo.
Ziadeh shpreh solidaritetin me KFOR-in dhe u uron të gjithë të lënduarve, përfshirë civilët, shërim të shpejtë. Ajo thekson se humbja e jetëve duhet të parandalohet me çdo kusht.
Shefja e UNMIK-ut kërkon de-përshkallëzimin dhe bën thirrje për udhëheqje dhe veprime të përgjegjshme për të zbutur tensionet dhe për të shkuar drejt zgjidhjeve të qëndrueshme politike sa më shpejt të jetë e mundur.
Ajo tha se UNMIK-u do të vazhdojë të koordinohet ngushtë me të gjitha pranitë ndërkombëtare në terren.
Top Channel
