Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Kryeministri armen Nikol Pashinyan tha sot se vendi i tij mund të tërhiqet nga grupi i Traktatit të Sigurisë Kolektive (CSTO), në një shfaqje të hapur pakënaqësie për mungesën e mbështetjes nga aleati saj Rusia.
“Nuk e përjashtoj mundësinë që Armenia të marrë vendimin për t’u tërhequr nga traktati CSTO,” nëse blloku nuk respekton detyrimet e traktatit, tha ai në një konferencë shtypi në kryeqytetin Jerevan.
Vendi duket se është i zhgënjyer për atë që ka quajtur dështim të Rusisë në mbrojtjen e Armenisë prej kërcënimeve ushtarake nga Azerbaixhani.
Komentet e sotme të Pashinyan vijnë pas njoftimit të bisedimeve që do të mbajnë nesër në Moskë presidenti Azerbaixhanit, Ilham Aliyev me liderin rus Vladimir Putin.
Konflikti i vjetër territorial mes dy vendeve fqinje të Kaukazit ka sjellë humbje të shumta jete dhe negocjata paqeje nga fuqitë e mëdha.
Përfshirja diplomatike e Perëndimit duket se ka zemëruar fuqinë rajonale Rusinë.
“Kemi nisur të diskutojmë çështjet e sigurisë me partnerët tanë perëndimorë pasi sistemi rajonal i sigurisë nuk po funksionon”, tha sot Pashinyan.
Armenia e Azerbaixhani kanë luftuar dy luftëra, në vitin 2020 e në funt të viteve 1990-të për kontrollin e rajonit të Azerbaixhanit të populluar me armenë Nagorno-Karabakh.
Gjashtë javë luftime në vjeshtën e 2020 përfunduan me armëpushimin e ndërmjetësuar nga Rusia, ku Armenia u detyrua të hiqte dorë nga copa të mëdha territori.
Top Channel
