Dashuria sekrete e Jackie Kennedy me njërin nga njerëzit më të afërt të presidentit amerikan, letrat sekrete zbulojnë historinë 27/10 08:04
Kancelari gjerman Olaf Scholz nuk sheh pjesëmarrje të Gjermanisë në koalicionin ndërkombëtar që mund të krijohet për furnizimin e Ukrainës me avionë luftarakë.
“Në lidhje me ne nuk ka kërkesa. Gjermania po përqëndrohet në dërgimin e tankeve luftarakë, municionit dhe krijimin e një sistemi funksionues për riparimet dhe mbrojtjen ajrore. Këto gjëra janë me shumë rëndësi për aftësinë mbrojtëse të Ukrainës”, u shpreh Olaf Scholz.
Këto komente, kreu i ekzekutivit gjerman i bëri pas takimit në Këshillit të Europës në Reykjavik. Britania e Madhe dhe Holanda prezantuan të martën planet për një “koalicion ndërkombëtar”, me të cilin do të dërgohen avionë luftarakë në Ukrainë.
Sipas tij Ukraina do të furnizohet me avionë F-16 dhe do të mbështetet me trajnimin e pilotëve. Edhe Franca ka shprehur gatishmërinë të ndihmojë në trajnimin e pilotëve. Ministria e Mbrojtjes në Berlin e përshëndeti iniciativën dhe çdo hap tjetër që ia bën më të lehtë Ukrainës të organizojë mbrojtjen e saj, por shtoi se për Bundeswehrin është e qartë se nuk mund të vihen në dispozicion avionë luftarakë nga rezervat e brendshme.
Top Channel
