Qëlloi me armë zjarri drejt një automjeti, në kërkim 29-vjeçari
17/05/2023 16:15
Era e fortë thyen pemët, shkatërrojnë këndin e lojërave në parkun e Drilonit 23/11 10:20
Foto ilustruese
Një 29-vjeçar është shpallur në kërkim pasi ka qëlluar me pistoletë drejt automjetit të 49-vjeçarit që ka bërë denoncimin.
Autori teksa ka qenë në lëvizje me automjetin e tij tip “Benz” në Fushë-Kuqe, ka qëlluar drejt objektivit, por fatmirësisht asnjë person nuk është lënduar.
Policia po kërkon ende për 29-vjeçarin, ndërsa prokuroria vijon hetimet për zbardhjen e plotë të ngjarjes.
Njoftimi i policisë:
Kurbin/Informacion paraprak
Shtetasi A. P., 49 vjeç, ka njoftuar sallën operative të Komisariatit të Policisë Kurbin se në Fushë Kuqe, ndërkohë që qarkullonte me automjet, shtetasi F. I., 29 vjeç, kishte qëlluar me armë zjarri pistoletë në drejtim të automjetit të tij. Nga të shtënat nuk ka asnjë shtetas të dëmtuar.
Menjëherë, shërbimet e Policisë kanë shkuar në adresën e dhënë, kanë rrethuar zonën dhe po vijojnë kontrollet, me qëllim lokalizimin dhe kapjen e shtetasit F. I., i cili është shpallur në kërkim, bashkë me automjetin tip “Benz” me të cilin është larguar.
Ndërkohë, grupi hetimor, në drejtimin e Prokurorisë, po vijon veprimet hetimore për sqarimin e rrethanave të këtij rasti.
Top Channel
