Ndryshe nga zgjedhjet e mëparshme, për lokalet e 14 majit politika ishte pasive me denoncimet e saj për korrupsion në zgjedhje.
SPAK deklaron për TCH se i janë referuar vetëm 21 raste nga subjektet politike dhe në të tjera janë qytetarët ata që kanë kërkuar hetime. në zgjedhjet e kaluara politika kërkoi hetime për krime zgjedhore në 84 raste. SPAK pranon për Top Channel se në total, ku përfshihen edhe delegimet e policisë dhe të prokurorive të tjera numërohen 41 materiale, prej të cilave ka regjistruar 19, dhe 16 janë ende nën proces verifikimi
Por me gjithë këto statistika, SPAK nuk konfirmon nëse nga përgjimet ndaj disa personazheve të botës së krimit, nën hetim për dosje të tjera, a rezulton apo jo që ata të jenë angazhuar gjatë votimeve, thënë ndryshe nuk konfirmohet a u përdoren apo jo prej tyre metodat ekstrazgjedhore.
Ndërsa prokuroria e Vlorës shpalli mos kompencën duke ja kaluar Fredi Belerin SPAK , i cili doli fitues në Himarë, pritet që gjykata e posaçme të rishqyrtojë masën brenda dhjetë ditëve. Ndërkohë për shkak të hartës së re, në Tiranë u soll edhe Bedri Murati, i cili u kap nga policia në zonën e Krujës si një i dyshuar që shpërndante para në këmbim të votës.
Për Muratin masa do të mbahet të mërkurën në orën 10.30 këtu në gjykatën e kryeqytetit.
Top Channel
