Richard Grenell, përfundimisht “larg shqiptarëve”? Trump do e caktojë të dërguar të posaçëm për konfliktin Rusi-Ukrainë 23/11 11:16
“Qarku i Lezhës arriti të marrë 2 bashki dhe fitorja e Majlindës ishte qershia mbi tortë”- kështu është shprehur drejtuesi politik nga radhët e Partisë Socialiste, Ulsi Manja.
Majlinda Cara – ndër të pakëtat femra që kandidonin për kryetare bashkie në zgjedhjet vendore të 2023-shit – arriti të rikonfirmohet për një mandat të dytë për Kurbinin, duke lënë pas rivalin nga koalicioni “Bashkë Fitojmë”, Behar Haxhiun.
Për gazetaren e Top Channel, Brixhilda Deda, Cara e përlotur falënderoi gjithë kurbinasit që e votuan, duke dhënë fjalën se do të punojë fort për të qenë në lartësinë e detyrës si në mandatin e parë.
“Shumë faleminderit të gjithë motrave dhe vëllezërve kurbinas që më dhanë besimin për të vazhduar sërish punët e mira për Kurbinin. Ju japë fjalën se do të jem në lartësinë e duhur si në mandatin e parë 4-vjeçar, do të jem në krye të detyrës. Faleminderit me zemër motra dhe vëllezër kurbinas”- tha Cara.
Top Channel
