Forcat izraelite sulmojnë një shkollë në Gaza, 15 palestinezë të vdekur dhe dhjetëra të plagosur 26/11 21:11
“Do ta çoj deri në fund mandatin tim, sepse unë nuk kam frikë”, me këtë deklaratë, kryeprokurori bullgar, Ivan Geshev, grisi letrën e tij të dorëheqjes ndërsa i quajti “plehra politike” rivalët e tij në parlament.
Geshev u përball me thirrjet për të dhënë dorëheqje, pasi kundërshtarët e tij e akuzuan atë për orkestrimin e një shpërthimi pranë makinës së tij në fillim të këtij muaji, i cili u përshkrua si një tentativë për vrasje. Përveç thirrjeve në rritje për dorëheqje, ai përballet dhe me procedurat e shkarkimit të nisura nga prokurorët e Këshillit të Lartë Gjyqësor.
Nisjen e procedurave e njoftoi Mariya Gabriel, kandidate për kryeministre nga partia e qendrës së djathtë GERB, që fitoi zgjedhjet e jashtëzakonshme në vend. Geshev, nuk e ka komentuar incidentin e supozuar të automjetit të tij, pretendon se është vënë në shënjestrën e “mafias politike, oligarkisë dhe krimit të organizuar” dhe ka drejtuar gishtin nga ish-kryeministri Bojko Borisov për presionet e ushtruara ndaj tij që të dorëhiqet.
Borisov vetë nuk i pranon të tilla akuza. Geshev, i cili mban postin e kryeprokurorit që nga fundi i vitit 2019, për një mandat shtatëvjeçar, këmbëngul se ka punuar gjithmonë për të mirën e Bullgarisë dhe të qytetarëve të saj ndërsa rrëfeu në fillim u këshillua nga një person anonim për të dhënë dorëheqjen e tij deri më 15 maj pasi u kthye nga një udhëtim në Shtetet e Bashkuara, e më pas mori kërcënime ndaj tij dhe familjes.
Top Channel
