Drejtori i policisë rrëfen itinerarin që bëri autori i vrasjes së Martin Canit: Ja kush ia bëri foton me dorën e plagosur në makinë 28/11 22:44
Gjatë një raportimi live nga gjimnazi Çajupi, gazetari Muhamed Veliu shprehet se pavarësisht shiut, njerëzit shkojnë votojnë dhe dalin.
Kjo ndryshe nga situata e mëngjesit, ku kishte pak njerëz të cilët donin të votonin, por hasën probleme me pajisjen e identifikimit. Ai shprehet se persona që qëndrojnë në këtë gjimnaz, sapo kanë parë kamerën e Top Channel, janë larguar menjëherë. Grida shprehet se atë që nuk bën dot Celibashi, të mbajë larg njerëzit e paautorizuar nga qendrat e votimit, e bëri vetëm një kamerë e Top Channel.
Muhamed Veliu: Këtu në gjimnazin Çajupi në të dyja katet, janë 18 vend votime dhe deri diku pjesëmarrja është e kënaqshme, por nuk është ajo pjesëmarrje si në zgjedhjet e shkuara. Më herët ne pamë komisionerin Celibashi i cili shprehu shqetësimin për personat e paautorizuar në ambientet e brendshme apo të jashtme të vend votimit, nuk bën përjashtim edhe gjimnazi Çajupi. Në hyrje ka persona të cilët qëndrojnë dhe menjëherë sapo panë kamerën e Top Channel dhe më panë duke u bërë gati për këtë lidhje direkte, ata janë larguar menjëherë.
Grida Duma: Ata u larguan nga kamera Meti?
Muhamed Veliu: Po pikërisht.
Grida Duma: Duhet të kishim këtu zotin Kume që thoshte s’ka ç’i bën media. Ja çfarë bën media, atë që nuk bëjnë dot ata që janë me baxha, as Celibashi kur i thotë që dilni, nuk jeni të autorizuar, e bëri një kamera e Top Channel në këtë moment. Kjo është fuqia në fakt!
Top Channel
