Berisha nën akuzë sulmon ashpër Dumanin: Kreu i SPAK katër herë më pak çështje të dërguara në gjykatë se periudhën 2008-2009
25/05 17:01
Ministri i Jashtëm grek ka reaguar për arrestimin e kandidatit për bashkinë e Himarës, Fredi Beleri.
Në deklaratën e tij, Dendias u shpreh se nëse s’ka prova që Beleri ka vjedhur vota, kemi të bëjmë me një skandal. Ai tregon se ngjarjen që ndodhi dy ditë para zgjedhjeve, e ka raportuar te përfaqësuesi i lartë i BE-së për politikë të jashtme dhe siguri, Josep Borrell dhe te ministri i Jashtëm suedez.
“Dua të pozicionohem edhe për diçka tjetër të cilën e konsideroj tepër të të rëndësishme, arrestimin e një anëtari të minoritetit etnik grek, Fredi Belerit, kandidat për bashkinë e Himarës në Shqipërisë, së bashku me të edhe të një tjetër shtetasi grek.
Doja të thosha se nëse nuk ka prova të pa kontestueshme, arrestimi i tij dy ditë para zgjedhjeve përbën një skandal të vërtetë.
Njoftova për këtë edhe zotin Borrel si dhe ministrin e Jashtëm të Suedisë, që ka edhe kryesimin e radhës së Bashkimit Europian. Qeveria greke do të ndjekë çështjen nga shumë afër“, u shpreh Dendias.
Kandidati i koalicionit ‘Bashkë Fitojmë’, për Bashkinë e Himarës, Alfred Beleri u arrestua pak minuta pas mesnate, në restorantin e tij dhe u shoqërua në ambientet e Drejtorisë së Policisë në Vlorë rreth orës 00:15.
Gjatë mëngjesit të sotëm atij i është komunikuar urdhri i arrestit dhe akuzohet për “korrupsion aktiv në zgjedhje kryer në bashkëpunim”.
Top Channel
