“Fati” i vulës së PD-së, gjykata e Apelit cakton datën për rigjykimin e çështjes 17/05 20:48
Pas incidentit të shënuar në ditën e fundit të fushatës elektorale në Maliq, kryebashkiaku Gëzim Topçiu dhe deputeti i PD-së Edmond Spaho, janë marrë në pyetje nga policia.
Deputeti i PD-së, Edmond Spaho u përplas me kryebashkiakun e Maliqit, Gëzim Topçiun gjatë takimit të tij me fermerët e zonës së Vreshtanit.
Spaho pretendoi se Topçiu po shfrytëzonte postin për fushatë dhe nisi të filmojë takimin. Menjëherë reagoi kryebashkiaku dhe banorët e pranishëm, që shtynë demokratin dhe i rrëzuan celularin.
Policia thotë se nga ana e Specialistëve për Hetimin e Krimit u kërkua të paraqiteshin në ambientin e Komisariatit të Policisë Maliq, kryetari i bashkisë dhe deputeti i PD-së të cilët janë pyetur dhe intervistuar në lidhje me këtë ngjarje dhe më pas janë lënë të lirë.
Nga ana e Policisë janë kryer të gjitha veprimet procedurale dhe janë administruar pamjet filmike të regjistruara gjatë këtij aktiviteti.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për vlerësim.
Top Channel
