Shpërthim në fabrikën e prodhimit të litiumit në Korenë e Jugut, humbin jetën 16 persona 24/06 12:51
Forcat ruse janë tërhequr nga pjesë të Bakhmutit pasi Ukraina ndërmori një seri kundërsulmesh.
Gjeneralkoloneli Oleksandr Syrskyi, i cili drejton forcat tokësore të Ukrainës, tha se forcat ruse u tërhoqën deri në dy kilometra, si dhe anëtarët e grupit Wagner.
“Në disa zona të frontit, armiku nuk mundi t’i rezistonte sulmit të mbrojtësve ukrainas dhe u tërhoq në një distancë deri në dy kilometra. Me gjithë përqendrimin e konsiderueshëm të trupave dhe deklaratat me zë të lartë të kriminelëve rusë të luftës për qëllimin e tyre për të marrë Bakhmutin deri më 9 maj, armiku ende nuk ishte në gjendje të pushtonte qytetin ukrainas”, shkroi ai në Telegram.
Qyteti lindor ka qenë vendi i luftimeve të ashpra për disa muaj, ku të dyja palët pësuan humbje të rënda. Sipas Sky News, Rusia ka bërë çdo përpjekje për të kapur Bakhmutin deri më 9 maj, Ditën e Fitores së Luftës së Dytë Botërore, për t’i treguar në mënyrë simbolike kombit se po ia dilte mbanë në pushtimin e tij.
Top Channel
Shpërthim në fabrikën e prodhimit të litiumit në Korenë e Jugut, humbin jetën 16 persona 
