Shkarkohet kirurgu i njohur francez që kthente hundën e pacienteve në ‘patate’ (fotot)
25/11 15:52
Ukraina po përgatitet me kujdes për një kundërofensivë të re kundër forcave ruse.
Përmes një interviste për SkyNews, kryeministri Denys Shmyhal tha se operacioni është “shumë i rëndësishëm” dhe duhet “të demonstrojë sukses”.
Sipas Shmyhal, kundërofensiva e shumëpritur do të nisë vetëm kur të jetë koha e duhur, megjithatë nuk dha ndonjë tregues se kur mund të ndodhte.
Me Presidentin rus Vladimir Putin që përkujton Ditën e Fitores – duke shënuar humbjen e Bashkimit Sovjetik ndaj Gjermanisë naziste në Luftën e Dytë Botërore – kryeministri ukrainas tha se dita më e rëndësishme për Kievin do të jetë kur të mposht pushtimin rus.
“Jam i sigurt se dita më e rëndësishme e fitores për Ukrainën do të jetë dita e fitores mbi këtë agresion të tmerrshëm rus – agresion në shkallë të gjerë kundër Ukrainës“- tha ai, duke folur gjatë një udhëtimi në Mbretërinë e Bashkuar për të marrë pjesë në kurorëzimin e mbretit Charles.
I pyetur nëse disa nga rekrutët që mësojnë të shtënat dhe aftësi të tjera do të ishin pjesë e kundërsulmit kur të ktheheshin në Ukrainë, kryeministri ukrainas tha se: “Në këtë bazë stërvitore, ushtarët tanë të ardhshëm – djem dhe vajza – janë… duke pasur të gjitha njohuritë dhe përvojat e veçanta, përvojat praktike, për fushën e betejës”.
Për sa i përket arsyes pse ushtria ukrainase filloi zyrtarisht kundërofensivën e saj, Shmyhal tha se u desh kaq shumë kohë për “partnerët tanë, për të gjithë botën dhe për armikun tonë” të merrej ky vendim.
Gjatë vizitës të premten e kaluar, Shmyhal tha se trupat po përgatiteshin për operacionin, me stërvitje, armë dhe municione. Gjithashtu, Ukraina po punonte ngushtë me partnerët e saj.
“Ne do të fillojmë…kur të jetë koha e duhur, kur do të jetë absolutisht gati… do të fillojmë kundërsulmimin menjëherë kur udhëheqja jonë ushtarake dhe politike të marrë vendimin”- tha ai.
Kryeministri përsëriti deklaratën e presidentit Zelensky se Ukraina nuk ka pasur ndonjë lidhje me sulmin me dron kundër Kremlinit në Moskë javën e kaluar, të cilin zyrtarët rusë kanë pretenduar se kishte për qëllim të vriste Putinin.
Sipas Shmyhal, në vend të kësaj, ka të ngjarë të ketë qenë një lloj operacioni “flamur i rremë”.
“Ne mendojmë se është kryesisht flamur i rremë, por nuk kemi më të dhëna”, tha ai. “Nuk është një operacion ukrainas.”
Në foto: Denys Shmyhal në një bisedë me Mbretin Charles dhe zonjën e parë të Ukrainës, Olena Zelenska gjatë një pritjeje në Buckingham Palace javën e kaluar
Top Channel
