Katër persona janë arrestuar në Tiranë për vepra të ndryshme penale.
Nga të dhënat paraprake bëhet me dije se gjatë kontrollit fizik dhe kontrollit të automjetit, blutë e Tiranës kanë arrestuar një 38-vjeçar me iniciale A. C., pasi iu gjetën sasi të vogla lëndësh narkotike kokainë dhe kanabis. I arrestuar për kanabis është edhe një 35-vjeçar me inicialet L. T., banues në Tiranë.
Lënda narkotike u sekuestrua në cilësinë e provës materiale.
Sakaq, specialistët e Komisariatit Nr. 1 kanë arrestuar për grabitje një 45-vjeçar. Shtetasi me inicialet M.X., banues në Tiranë, u kap duke vjedhur disa produkte në një market dhe gjatë shoqërimit ka kundërshtuar punonjësin e Policisë.
Po ashtu, një 28 vjeçar është arrestuar për dhunë në familje në Babrru. Specialistët për Hetimin e Krimeve të Komisariatit Nr. 5 arrestuan shtetasin K. E., pasi ka ushtruar dhunë ndaj babait të tij.
“Në Komisariatin e Policisë Nr. 3 është paraqitur shtetasja F. I., 37 vjeçe, e cila ka bërë kallëzim se është larguar nga banesa, djali i saj, shtetasi E. B., 20 vjeç. Punohet për gjetjen e tij”- njofton Policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
Top Channel
