“Hajduti thërret: Kapeni hajdutin”/ Si përdoret Tik Tok nga kriminelët
08/05/2023 12:34
LAJM I FUNDIT/ Deputeti i PD ndihet keq në protestë, humb ndjenjat 23/12 18:55
Rrjeti social Tik Tok po bëhet gjithnjë e më tepër hapësira ku persona të ndryshëm e shfrytëzojnë për të reklamuar aktivitetet e tyre të paligjshme duke e shndërruar në një dark web.
Por së fundmi po vihet re një fenomen I ri. Ky rrjet social është shndërruar në hapësirën ku individë të caktuar denoncojnë njëri tjetrin për vepra të ndryshme penale që tek vjedhja e lëndës narkotike, mashtrimi dhe fajdet.
Faqe të ndryshme hapur pranojnë se merren me shtëpi bari kryesisht në Angli dhe kanë rënë pre e vjedhjes. Këtë ata nuk mund ta denoncojnë në polici dhe fotot e të dyshuarve i nxjerrin në Tik Tok ku kërkojnë informacion për vendndodhjen e tyre kundrejt shpërblimit.
Të tjera postime flasin për borxhe të pashlyera ku sërish ofrohet shpërblim për gjetjen e adresës së personit që kërkohet. Shpërblimet variojnë nga 3 deri në 10 mijë euro.
Natyra e këtyre postimeve apo video të tjera shantazuese apo që reklamojnë para falso, prostitucion apo punësime në shtëpi bari kanë detyruar shumë vende europiane të kërkojnë mbylljen e këtij rrjeti social. Ndërsa në Shqipëri policia ka nisur t’i referohet me qëllim identifikimin e shkelësve të ligjit.
Top Channel
