Presidenti izraelit: Marrëveshja e armëpushimit me Libanin duhet të garantojë siguri për banorët e Izraelit verior 26/11 22:47
Në një rast të rëndë vetëgjyqësie nga Meksika, trupi i një të akuzuari si përdhunues është gjetur dy ditë më parë i varur, i zhveshur mbi një autostradë, teksa raportohej se penisi i ishte prerë dhe futur në gojën e viktimës nga autorët.
Trupi i zhveshur i burrit ishte lënë në dukje demonstrativisht, i varur rreth një metër poshtë strukturës së celiktë mbi rrugë.
Skena e tmerrshme shtangu vendasit në qytezën e Casas Grandes, në shtetin meksikan të Chihuahua, ku u zbulua javës që shkoi.
Gjithashu një pankartë kartoni ishte gjetur pranë trupit, ku shpjegohej se vrasja ishte bërë pasi “viktima ishte një përdhunues”.
Mesazhi shkruante: “Ky është fati që të pret kur je një përdhunues dhe kështu i ndodhtë të gjithë bastardëve të tillë”.
Sipas rrjetit vendas ‘La Voz Del Pueblo’, e cila mbulon aktivitetin e grupeve të krimit të organizuar në Meksikë, pankarta specifikonte se viktima ishte dënuar për përdhunimin e një të miture.
Trupi i tij ishte i mbuluar me gjak ndërsa penisi i prerë i ishte futur në gojë.
Rrjeti La Parada Digital, tha se skena u zbulua fillimisht nga një grup udhëtarësh që vinin Casas Grandes.
Policia tha se burri nuk është indentifikuar ende, por besohet se është mes 35 e 40-vjeç, rreth 1.70 i gjatë dhe me flokë të errët.
Stili i vrasjes është i ngjashëm me taktikat e përdorura nga kartelet meksikane për dënimet demonstrative te rivalëve të tyre.
Top Channel
